Nazeer Baquari


Mir Nazeer Baquari
Born on 27th October 1948, in Naimatpur Ikrotia Saadat, Distt. Moradadabad U.P, Nazeer Baquari is the eldest grandson of Syed Mehdi Hasan, a land lord and also a jurist during the Brutish regime in India.Initially wrote few poems with the name, "Mir Nazeer". Due to a few incidents started using Nazeer Abbas Baqri and then Nazeer Baqri. Presently a poet of high repute, both literarily and on stage too.




Dhuaa.N banaake fizaa me.n


dhuaa.N banaake fizaa me.n u.Daa diyaa mujhako

mai.n jal rahaa thaa kisii ne bujhaa diyaa mujhako


taraqqiyo.n kaa fasaanaa sunaa diyaa mujhako

abhii ha.Nsaa bhii na thaa aur rulaa diyaa mujhako


mai.n ek zarraa bula.ndii ko chhuune nikalaa thaa

havaa ne tham ke zamii.n par giraa diyaa mujhako


safed saa.ng kii chaadar lapeT kar mujh par

fasiil-e-shahar pe kisane sajaa diyaa mujhako


kha.Daa huu.N aaj bhii roTii ke chaar harf liye

savaal ye hai kitaabo.n ne kyaa diyaa mujahko




Yaad nahii.n kyaa kyaa dekhaa thaa



yaad nahii.n kyaa kyaa dekhaa thaa saare manzar bhuul gaye

us kii galiyo.n se jab lauTe apanaa bhii ghar bhuul gaye

Khuub gaye pardes ki apane diivaar-o-dar bhuul gaye

shiish-mahal ne aisaa gheraa miTTii ke ghar bhuul gaye


tujh ko bhii jab apanii qasame.n apane vaade yaad nahii.n

ham bhii apane Khwab terii aa.Nkho.n me.n rakh kar bhuul gaye

mujh ko ji.nho.ne qatl kiyaa hai ko_ii u.nhe.n batalaaye "Nazeer"

merii laash ke pahaluu me.n vo apanaa Khanjar bhuul gaye


Apanii aa.Nkho.n ke samu.ndar me.n utar jaane de

apanii aa.Nkho.n ke samu.ndar me.n utar jaane de
teraa mujarim huu.N mujhe Duub ke mar jaane de

ai naye dost mai.n samajhuu.Ngaa tujhe bhii apanaa
pahale maazii kaa koii zaKhm to bhar jaane de

aag duniyaa kii lagaii huii bhuj jaayegii
koii aa.Nsuu mere daaman pe bikhar jaane de

zaKhm kitane terii chaahat se mile hai.n mujhako
sochataa huu.N ki kahuu.N tujhase magar jaane de



Husn...........


Husn ka raaz khula awwale maqlooq ke saath

Jo khazaana tha niha khul gaya sandooq ke saath.


Rizq bhi kar diya Razzaq ne marzooq ke saath

Maarifat ho gayi Ashiq ki bhi Mashooq ke saath.

Husn ki awwalo aakhir yeh rakhi hadd Usne

Apne paykaar ka rakha naam Mohammed Usne.





Chand Ash'ar


Gham ka suraj arash-e-mimbar se nikalta hi rahe

moom ban kar zulm ka pathar pigaltha hi rahe

>>>>>>>>>>>>>>>>>>>>>>>>>>>>>>>>>>>>

Jab kabhi taza mazaroun par chiraghan karna

Ek tuti hui turbat pe bhi Ehsan karna

Ghamon se kehdo ab kabhi bhi

aan ke mujhko na pareshan karna.


>>>>>>>>>>>>>>>>>>>>>>>>>>>>>>>>>>>>>>>

Nazeer Baquari